Име на компанија Хотел Дрим
Косопственици Крсте и Роберт Блажевски

Хотелот Дрим е изграден во 1977 година крај Струшката ревиера на местото каде реката Црн Дрим излегува од Охридското Езеро. Хотелот ги исполнува критериумите за хотел со 4 ѕвезди.

Капацитетот на хотел Дрим е 196 соби опремени со ТВ приемник, клима уред, директна телефонска линија, интернет и минибар. Во тек е опремувањето на два делукс бизнис апартмани.

Во рамките на комплексот хотел Дрим има ресторан, летна бавча наречена Струшки кепенци, Аперитив бар, приватна плажа, базен, спа центар. За рекреација и спорт на посетителите хотелот располага со терени за кошарка, одбојка и ракомет на плажа, тениско игралиште, куглана и билјард. За одржување на бизнис состаноци и семинари хотелот располага со 7 сали со различен капацитет.

Во 2003 година сопственик на бизнисот станува компанијата Инекс Дрим АД во која како акционери се јавуваат господата Крсте и Роберт Блажевски кои во Америка имаат бизнис со недвижности и американските компании APS Contracting во сопственост на г-дин Гоце Блажевски и г-дин Светозар Шарески и Exsel Insolation во сопственост на партнерите г-дин Гоце Жороски и г-дин Драган Коцески. Покрај хотел Дрим во сопственост на компанијата се и Хотел Београд и автокампот АС во Струга. Во овој бизнис компанијата има вложено над 6 000 000 американски долари.


Во 2004 година браќата Блажевски станале сопственици во Јака Табак АД Радовиш купувајќи акции во вредност од 2 000 000 американски долари. Досега нивните инвестициони проекти во Република Македонија изнесуваат 8 000 000 американски долари.

Тел + 389 46 785 800
Fax + 389 46 780 460
Веб страна www.drim.com.mk
E-mail hdrim@t-home.mk
contact@drim.com.mk