Хабибе Дураку, советник на општинскиот совет во општина Евере во Брисел. Хабибе Дураку, 30-годишна Албанка од скопското село Арачиново, успеала да победи на локалните избори во Белгија. На 14 октомври 2018 година, Хабибе Дураку е избрана за советник во општинскиот совет во општина Евере во Брисел. Таа е избрана за советник на изборната листа „LB - liste du Bourgmestre“, која ќе ја претставува Социјалистичката партија и албанската заедница во Евере. Дураку, има завршено мастер студии по криминологија на Универзитетот „Université Libre de Bruxelles“ во Брисел.
Промовирање на македонската култура во Сиднеј на ФЕСТИВАЛОТ DISCOVERY ВО ОПШТИНАТА GEORGES RIVER На овогодишниот фестивал за уметност Discovery во градската општина Georges River во Сиднеј што трае од 21 септември до 27 октомври, македонската заедница и култура се застапени со неколку културни програми со кои се промовира македонскиот јазик, литературата, филмската уметност и македонската култура воопшто. На отворањето на Фестивалот настапија Душан Ристевски, Иван Трпоски и Валентина Апостоловска како дел од промовирање на активностите на Литературното друштво „Григор Прличев“ и Австралиско македонскиот театар од Сиднеј. На 22 септември Душан Ристевски настапи на Форумот на писатели при што зборуваше за 40 годишните постигнувања на Литературното друштво под тема „Нашиот јазик, нашата култура“. Јубилејната прослава на Литературното друштво е дел од овој Фестивал и истата се одржува на 19 октомври на која ќе се промовираат неколку книги и наградат дела со Прличева награда. Во склопот на Фестивалот се одржува и 4-тиот Македонски филмски фестивал и два дена на 20 и 21 октомври ќе се прикажат повеќе македонски краткометражни и долгометражни филмови од Австралија и Македонија, а воедно ќе има и фотографска изложба. На завршниот дел на програмата на 27 октомври, членови на Литературното друштво ќе настапат со своја поезија на Писателската средба што се одржува во Музејот - Carss Cottage Museum. #Вести #Австралија
Согласно спогодбата за заштита на македонското малцинство во Република Хрватска и хрватското малцинство во Република Македонија, Агенцијата за иселеништво на Република Македонија ќе одржи Конференција на 19, 20 и 21 Октомври 2018 година во Охрид. На конференцијата ќе се разговара за промоција на туризмот во Република Македонија, можности и начин за заедничко аплицирање на македонските организации во Република Хрватска и хрватските во Република Македонија кон европските фондови со надеж за поголем обем на средства, како и дијаспората и економскиот развој. На конференцијата со свои обраќања и презентации по темите ќе имаат претставниците од соодветните институции, а во делот на слободните дискусии, како и за присуство на Конференцијата можат да се пријават сите заинтересирани организации и граѓани кои се со хрватско потекло и работење во Република Македонија, како и сите организации и граѓани кои се со македонско потекло и работење во Република Хрватска на следната електронска адреса info@minisel.gov.mk или на следниот број + 389 (02) 3118 633. Сместувањето е на трошок на Агенцијата, а трошоците за пат ќе се во организација на самите учесници. #Соопштенија
Види повеќе